Әни сүзе

Автор работы

Рузиль
Тухбатов
17 лет
Номинация: 
Поэзия на татарском языке

“Тәртиплем”, - ди миңа әни,

Әй яратам шул сүзен.

Шул сүздән соң ничек итеп,

Тәртип бозыйм соң үзем.

 

“Акыллым”- ди миңа әни,

Йөрәккә май шул сүзе.

Аннары мин озак итеп

Китаптан алмыйм күзем.

 

“Үскәнем” – ди миңа әни,

Үссендерә шул сүзе.

Чыннан да үсеп киткәндәй

Тоям аннары үзем.

 

“Бәгырь җимешем”, - ди әни,

Эреп китәм шул сүздән.

Сизми калам тып – тып итеп,

Тамалар яшьләр күздән.

 

Әниләр шундый була шул,

Бар сүзләре тылсымлы.

Дөньяда беркем була алмый,

Әнкәйләрдән ягымлы.

проголосуйте за нее
Вверх
180 пользователей проголосовало.
Проголосуйте за понравившуюся работу