Бөек Җиңү

Автор работы

Айгиза
Ахатова
14 лет
Номинация: 
Поэзия на татарском языке

Сугыш дигән олы хәсрәт

Илебезгә кайгы китергән.

Күпме балаларны ятим итеп,

Өмет-хыялларын үтергән.

 

Япь-яшь  көе чыгып киткән

Илне сакларга дип әтиләр.

Башка очрашмасын белгән кебек

Елап калган газиз нәниләр.

 

Ялгыз аналарның күз яшьләре

Чишмә булып җиргә түгелгән.

Күпме солдатларның гәүдәләре

Чит җирләрдә ялгыз күмелгән.

 

Хатын-кызлар көне-төне эшләп,

Икмәк җибәргәннәр сугышка.

Җиңү көнен якынайту өчен,

Бөтен көчен биреп тырышкан.

 

Үзләре ач булса да, аналар

Балаларын саклап үстергән.

Кара хәбәрләрне алган көнне

Җиргә ятып, елап үксегән.

 

Менә шундый авыр елларда

Яшәгәннәр безнең әбиләр.

Бирешмичә авырлыкларга,

Безгә тыныч тормыш биргәннәр.

 

Ямьле язлар килгән саен

Җиңү көнен бәйрәм итәбез.

Ветеран бабайларга

Башны иеп рәхмәт әйтәбез.

 

 

 

проголосуйте за нее
Вверх
494 пользователя проголосовало.
Проголосуйте за понравившуюся работу