Тормыш мәгънәсе

Автор работы

Алина
Абдрафикова
22 лет
Номинация: 
Поэзия на татарском языке

Кайбер кешенең җаны тынгысыз,

Гадәттә аңа гайбәт килешә.

Алар янында ышаныч кими,

Яхшы һәм яман кискен көрәштә. 

Бездән дөреслек тәлап итәсең,

Ләкин алдыйсың үзең күпләрне.

Алдарсың безне, үзеңне хәтта,

Алдый алмассың ләкин күкләрне. 

Матурлыкны күр тирә-ягыңда,

Теләгәннәргә алар табыла.

Ходыйның һәрбер иҗаты камил,

Бөтен тереклек аңа табына. 

Зая үтмәсен әле гомерең,

Тормыш мәгънәсен аңларга тырыш.

Яхшылык кылып яшәсен, диеп,

Бирелгән безгә бу газиз тормыш.

проголосуйте за нее
Вверх
230 пользователей проголосовало.
Проголосуйте за понравившуюся работу